Teatro "As Alumnas" de Culturactiva Produccións

Premio Nacional de Literatura Dramática 2023 Premio Follas Novas 2023 ao mellor libro de teatro Premio Luísa Villalta a proxectos pola igualdade Público: adulto (maiores de 12 anos) Entradas: www.giglon.com ou na billeteira do auditorio unha hora antes do comezo do espectáculo. Sinopse: Elvira Fontao e Rosa Lires, antigas alumnas de María Barbeito, volven atoparse na data da morte da mestra, no ano 1970. Xa son mulleres. Atrás queda a infancia, o mundo que lles abriu a mestra antes de que o Comité de Depuración a afastase do seu traballo na escola. Porén, son as dúas únicas alumnas que lle escribiron cartas contándolle o que foi das súas vidas. A través desas cartas, e da reconstrución daqueles tempos nos que eran as mellores amigas, iremos descubrindo como as decisións marcan o destino de cadaquén, e o medo, e a rebeldía.