Produto estrela

Mexillón de Lorbé

O produto estrela da gastronomía oleirense é o mexillón de Lorbé

No porto de Lorbé existe unha gran tradición no cultivo deste molusco, sendo unha das súas principais actividades. Máis dun centenar de bateas salpican a ría producindo anualmente millóns e millóns de quilos deste produto e xerando empregos directos no sector.

A principios de agosto, con motivo das Festas do Carme, celébrase a festa do mexillón, un evento que atrae cada ano a centos de visitantes á pequena vila de Lorbé, onde non falta a boa música e a boa comida.

Como se cultiva o mexillón

Captación da cría

O proceso iníciase coa captación da cría do mexillón no medio natural, o cal se pode levar a cabo de dúas maneiras:

Bateas

O artefacto empregado para o cultivo do mexillón é a batea, unha construción flotante da que se suspenden cordas ás que vai fixada a cría do mexillón e que non poden tocar o chan para mantelos a salvo dos depredadores. Cada batea pode ter entre 400-500 cordas.

Despois duns 6 meses, o crecemento da cría na corda fai que esta alcance un grosor que limita o crecemento do mexillón, por este motivo desdóbrase, é dicir, a corda de cría degráese e por cada unha obtéñense dúas ou tres cordas de menor densidade, o que permite que o mexillón siga crecendo. Unha vez feito isto, déixanse transcorrer 12 meses ata o colleitado, momento no que o mexillón alcanza o seu tamaño comercial (6-10 cm).