Goza da bravura da nosa costa

Monumento Natural Costa de Dexo- Serantes

O Monumento Natural Costa de Dexo-Serantes é un valioso tramo de costa que se estende entre os faros de Mera e o porto de Lorbé ao longo de 11 km.

A singularidade dos ecosistemas e hábitats da Costa de Dexo- Serantes a súa xeomorfoloxía e a súa paisaxe fixeron que se declarase Monumento Natural no ano 2000, polo que está integrada na Rede Galega de Espazos Naturais Protexidos. Forma parte tamén da Rede Natura 2000 como Zona de Especial Conservación (ZEC) e constitúe unha das zonas núcleo da Reserva da Biosfera Mariñas Coruñesas e Terras do Mandeo.

A Costa de Dexo- Serantes é un lugar excepcional para gozar da bravura do mar rompendo en impresionantes cantís, a observación de aves e flora autóctona e para a práctica de sendeirismo.

A súa fraxilidade require que todos e todas poñamos da nosa parte para conservar este lugar tan valioso.

Rutas