Pazo das Torres

A orixe do Pazo das Torres sitúase no século XVII, vinculado coa familia Freyre Moscoso, oriúnda da parroquia de Liáns.
O edificio organízase mediante unha serie de corpos anexos ao edificio principal con planta en forma de L. Para a súa construción usouse pedra de granito recebado e pintado, quedando a cantería vista en balcóns e esquinas. A cuberta é plana rematada en ameas en todo o conxunto, evocando a imaxe dunha fortaleza defensiva medieval.
O Pazo das Torres está rodeado dun fermoso xardín no que destaca un exemplar de ombú centenario.
Desde o ano 1990, o pazo está destinado a centro cultural e alberga o Museo Os Oleiros, a biblioteca Rosalía de Castro, o teatro As Torres e a Casa da Gardesa.