Sobre Oleiros

Clima

Clima oceánico húmido

>Goza de Oleiros todo o ano

Pola súa situación xeográfica en Oleiros predomina o clima oceánico húmido, caracterizado por unha escasa oscilación térmica e por unhas precipitacións moderadas que se reparten durante todo o ano.

Ao tratarse dun municipio costeiro, o mar actúa como termorregulador impedindo que exista unha gran diferenza de temperaturas entre as distintas estacións do ano.

En Oleiros os invernos son suaves e os veráns mornos, roldando a temperatura media anual os 13-14º C. En canto ás precipitacións, a primavera e o outono son as estacións máis chuviosas.

Flora e fauna

A combinación perfecta

Esta combinación de temperaturas suaves e chuvias regulares, favorece que no noso municipio exista unha gran riqueza e variedade de flora e fauna.

Flora

Se falamos de vexetación, encontramos un arboredo integrado por piñeiros do país, carballos ou salgueiros, plantas como a herba de namorar e arbustos como o trobisco, de carácter mediterráneo.

Fauna

No que a fauna se refire, podemos mencionar o corvo mariño cristado (en Oleiros existe a colonia máis grande da España peninsular) e o andoriño real, que ten o seu lugar de cría nalgunhas furnas da zona.

Turismo de temporada

Actividades durante todo o ano

A época máis calorosa enmárcase de finais de xuño ata principios de setembro, polo que é a época ideal para gozar dos preciosos areais do municipio e das moitas festas patronais e gastronómicas que teñen lugar durante estes meses.

O resto do ano préstase para a práctica do sendeirismo, a observación de aves e os deportes acuáticos ou para gozar da variada oferta cultural que ofrece Oleiros.

Ver praias Ver rutas de sendeirismo

Información turística

Oficina de turismo de Santa Cristina

Horario

Enderezo

Teléfono

Email

Aula do Mar