Símbolo do concello

Castelo de Santa Cruz

O Castelo de Santa Cruz é un dos símbolos do concello de Oleiros, tanto pola súa gran beleza natural e paisaxística como polo seu alto interese histórico.

Foi mandado construír no século XVI para reforzar o sistema defensivo da cidade, tras o ataque da Armada Inglesa comandada por Sir Francis Drake ao porto da Coruña.

Co paso do tempo perdeu o seu valor estratéxico e no século XIX pasou a formar parte da familia da escritora Emilia Pardo Bazán. Máis adiante, o Castelo converteuse en residencia de verán de orfos de militares e actualmente é sede do Ceida (Centro de Extensión Universitaria e Divulgación Ambiental de Galicia), onde se celebran exposicións, cursos e diversas actividades relacionadas coa protección e coidado do medio ambiente.

O Castelo está enclavado nun illote unido ao porto de Santa Cruz por unha pasarela peonil. Rodeando a illa, un paseo litoral permítenos gozar dunhas estupendas vistas da cidade da Coruña.

Máis sobre CEIDA

Normas acceso

Horarios

Ceida

Luns a venres

09:00-14:00h

Sábado

10:00-14:00h

Punto de información turística

Pechado temporalmente

Contacto

981 630 618

ceida@ceida.org

www.ceida.org

Os costes de contratación do persoal que traballa no punto de información son subvencionados por:
Deputación da Coruña